Sipas asaj që shkruan gazetari i “Bild”, Matias Marburg, gjatë ndeshjes Gjermani-Serbi, janë dëgjuar kore raciste në drejtim të lojtarëve gjermanë. Marburg u shpreh se kishte dëgjuar të shara në tribunën kryesorë.
Në shënjestër kanë qenë Leroi Sane dhe Ikai Gyndoan, të dy lojtarë që luajtën nga minuta e parë në ndeshjen me serbët.
“Neger, neger, neger”, ishin thirrjet e disa personave, të cilët mendohen të kenë qenë të pirë. Faqja zyrtare e kombëtares gjermane postoi një foto ku dënon këtë gjest. “Kundër diskriminimit, jo vetëm sot!”.
Ndaj personave përgjegjës pritet të hapet një hetim nga ana e policisë, e cila do të përdorë edhe kamerat e sigurisë për të identifikuar racistët.
