Skandali te moshat/ Grushte arbitrit, nuk mbaron ndeshja në Durrës

21/10/2019 - 17:13

Në ndeshjet e kampionatit U-19 ka pasur shpesh përleshje mes lojtarëve apo dhunë ndaj arbitrave, por ndodh rrallë që këto fenomene negative në futbollin e moshave të zënë vend edhe te takimet e grup-moshës U17.

Çudia më e madhe është se rasti i fundit vjen nga Durrësi, një qytet që nuk është shquar për problematika në ndeshjet e moshave. Teuta-Luftëtari, e vlefshme për javën e pestë të Kategorisë Superiore U-17, u luajt vetëm 45 minuta në aneksin e stadiumit “Niko Dovana” të Durrësit.

Shkak është bërë një incident i turpshëm në pushimin mes pjesëve, teksa arbitrat po u drejtoheshin dhomave të zhveshjes dhe aty fillimisht një person, e më pas disa të tjerë, i kanë dhunuar.

Shkëndijat e para të sherrit nisën në minutën e 28-të, kur gjyqtari kryesor nga Vlora, Klajdi Qendraj, akordoi një penallti në favor të Luftëtarit. Në këtë moment kryesorin e ndihmoi anësori Ermis Çelaj, i cili ishte më afër aksionit. Jashtë rrethimit të fushës, një prej shikuesve nisi të ofendonte në distancë arbitrin.

Mirëpo, pasi penalltia u kthye në gol dhe skuadrat po u drejtoheshin dhomave të ndeshjes, spektatori që ofendoi arbitrin kërkoi të sqarohej jashtë rrethimit të fushës me të.

Këtu situata precipitoi dhe anësori Çela e kryesori Qendraj u goditën me grushte, pasi në ndihmë të spektatorit që u bë protagonist erdhën edhe dy-tre persona të tjerë.

Stafi i Teutës u mundua të bënte gjithçka për të parandaluar këtë incident. Më pas ardhja e forcave të rendit qetësoi situatën dhe arbitrat morën garanci për vazhdimin e takimit.

Mirëpo, pas pushimit 15-minutësh, arbitrat të gjendur në kushte të rënduara psikologjike, pavarësisht masave të marra nga klubi durrsak, nuk pranuan që pjesa e dytë të vazhdonte.

Tashmë ky takim do të jetë objekt i Komisionit të Disiplinës. Vlen të theksohet se lojtarët dhe stafet e të dyja skuadrave mbajtën një qëndrim shumë korrekt.

/portali DurresLajm/

Na bëni like në facebook!: 

Lajme nga e njëjta kategori

Janë shtyrë 5 ndeshje të Serie A, të planifikuara për t'u luajtur këtë fundjavë.

Gjykata e Arbitrazhit Sportiv në Lozanë të Zvicrës i jep fundit karrierës së notarit kinez, Sun Yang, kampion i trefishtë olimpik dhe i k

Derbi Tirana – Partizani i ka dhuruar të gjitha mbrëmjen e së premtes, duke u mbyllur me rezultatin 5-1 në favor të Tiranës.

Është hedhur, shorti i 1/8-ave të Ligës së Europës, që ka nxjerrë përballje tepër interesante dhe të forta.Interi i Kontes është vënë për

Shqiptarët e atletikës ia kanë dalë që sërish të “rrëmbejnë” dy medalje ari.

U përurua në Pejë, në vendlindjen e saj shtatorja e kampiones olimpike, Majlinda Kelmendi, e vetmja sportiste nga Kosova me medalje të ar

Liga e Futbollit në Zvicrës ka njoftuar këtë të premte se janë shtyrë të gjitha ndeshjet e parashikuara për t’u zhvilluar këtë fundjavë n

Dashuri dhe urrejtje… Vetëm e tillë mund të përkufizohet marrëdhënia mes Neymar Juniorit dhe Barcelonës.

Teutës i kthehet humori. Humbja në Korçë është arkivuar tashmë dhe të gjithë janë të bindur se ndaj Kukësit do të bëjnë autokratikë.