Zbulohen prapaskenat në Francë/ PSG u tërbua, Reali takoi… Nejmarin

13/03/2018 - 17:10

Shtohen akoma më shumë dyshimet se Nejmar e përdori transferimin te PSG-ja si një trampolinë për të përfunduar në Madrid. Këto zëra, që duken si thashetheme merkatoje, bëhen më të besueshëm pas lajmit të publikuar ditën e djeshme se një delegacion i Realit ka takuar nga afër babanë e Nejmarit (Nejmar Santos) për të mësuar çmimin e kartonit që ka djali i tij dhe kërkesat, mbi të gjitha ato të PSG-së.

Ky takim ka shërbyer për të hedhur bazat e një transferimi të mundshëm në Madrid. Këtë informacion e mësoi edhe presidenti Al Khelaifi, i cili dha urdhër për të gjithë drejtuesit e tjerë të klubit që të publikojnë shifrën 400 milionë euro për kartonin e sulmuesit brazilian. Al Khelaifi tha se Nejmar do të qëndrojë në Francë dhe nuk ka asnjë shans që të largohet në fund të këtij sezoni, por gjërat kanë ndryshuar.

Dëmtimi, largimi drejt Brazilit për t’u operuar dhe eliminimi i PSG-së nga Liga e Kampionëve ka bërë që palët të mendojnë se zgjidhja më e mirë është divorci. Nga njëra anë, Nejmar kuptoi se në Francë nuk do të bëhet kurrë një kampion i madh dhe të sfidojë Mesin apo Ronaldon, ndërsa na ana tjetër presidenti i PSG-së kuptoi se Liga e Kampionëve nuk fitohet duke blerë një lojtar të madh.

Nisur nga këto zhvillime, Al Khelaifi është nisur drejt Brazilit dhe do të takojë sulmuesin brazilian, për të kuptuar qëllimin e tij për t’u larguar apo për të qëndruar në Francë. Ai do të bëjë gjithçka që ta bindë se eliminimi në këtë vit ishte një mësim i mirë për të ardhmen dhe së bashku do të bëjnë histori. Mbetet për t’u parë se sa të forta do të jenë argumentet e tij për ta bindur Nejmarin që të vazhdojë aventurën në Francë.

/portali DurresLajm/

Na bëni like në facebook!: 

Lajme nga e njëjta kategori

Teuta është pushim këtë javë, pasi në program ka takimin me Kamzën e përjashtuar nga kampionati.

Ish-mbrojtësi i Interit, Marko Materaci mori pjesë në një event marketingu lidhur me Champions Ligën në Tiranë.

Projekti i Realit 2019-2020 po merr formë dhe trajneri Zidan po e udhëheq vetë planin e rindërtimit të skuadrës.

Tajneri që eliminoi “Zonjën e Vjetër” nga Champions-i jeton në një apartament të vogël mbi një supermarket në qytetin e Amsterdamit.

Teuta është fituese e Superkupës së Shqipërisë në basketboll për meshkuj.

Për herë të parë në vitet e fundit kampionati shqiptar mund të mbyllë llogaritë kryesore shumë javë përpara fundit, duke nisur që nga xhi

Teuta vijon përgatitjet. Në sytë e futbollistëve, por edhe stafit teknik shihej qartë zhgënjimi pas disfatës së fundit në kampionat.

Edoardo Reja nuk premtoi objektiva madhorë në prezantimin e tij si trajner i kombëtares shqiptare por megjithatë ish-tekniku i Napolit dh

Komisioni i Disiplinës ka publikuar sot vendimet mbi shkeljet që kanë ndodhur në fushat e futbollit.