Gjiganti kinez i teknologjisë Beidu ka zbuluar automjetin e radhës për t’iu bashkuar shërbimit të taksive vetëdrejtuese, Apollo Go.

Kompania ka deklaruar se modeli i ri i quajtur Apollo RT6 ka aftësinë rrugore të një shoferi me përvojë 20-vjeçare. Sipas rregullores kineze, makinat vetëdrejtuese ende kërkojnë praninë e një shoferi të sigurisë. Në një deklaratë, kompania ka theksuar se çmimi i Apollo RT6 është 31.000£.

“Ne po shkojmë drejt një të ardhmeje ku marrja e një taksie vetëdrejtuese do të jetë gjysma e kostos së marrjes së një taksie sot.”

Automjeti ka plot 38 sensorë, duke përfshirë: 8 sensorë të zbulimit të dritës dhe rrezes (Lidar), 1radar me valë 6 mm (0.2 in), 12 sensorë tejzanor dhe 12 kamera.

Kompania thotë se auto-taksitë e saj, që funksionojnë provë në 10 qytete në Kinë, duke përfshirë Shenzhen, Shangai dhe Pekin, kanë bërë më shumë se një milion udhëtime që nga fillimi i shërbimit në vitin 2020.