SPANJE– Hulumtimet e fundit tregojnë se pështyma e kërmillit mund të ketë efekte antioksiduese dhe rigjeneruese për lëkurën e njeriut. Sipas një studimi nga shkencëtarë në Universitetin Autonom të Madridit, pështyma e kërmillit mund të përdoret në terapi për të rigjeneruar indet e dëmtuara të lëkurës, bën të ditur gazeta “Pravda”.

Bëhet fjalë për një kërmill nga familja 'Helicidae", që në përgjigje të stimujve të caktuara të jashtëm të dëmshme, prodhon një sekrecion (SCA) të pasur në proteina me peshë të lartë dhe të ulët molekulare acidi hialuronik dhe antioksidantë. Për të arritur këto rezultate, studiuesit kanë kryer teste në "plagë të thara" përmes eksperimenteve “in vitro”. Kërmijtë nga familja “Helicidae” janë përdorur si burim ushqimi në Lindjen e Mesme dhe në Europën parahistorike.