Teuta – Luftëtari ishte përballja e vetme miqësore që luhej midis dy ekipeve të Superiores. Kjo përballje e luajtur në stadiumin “Niko Dovana” u fitua nga miqtë me rezultatin minimal 0-1. Në pjesën e parë të takimit gjithçka u mbyll në barazim pa gola, ndërsa në të dytën do vinte goli që do të përcaktonte fituesin. Autori i golit ishte talenti vlonjat Dejvi Bregu i cili shënoi një tjetër gol me Luftëtarin, që kërkon që këtë sezon minimalisht të qëndrojë në Superiore. Teuta pëson humbjen e parë në miqësore gjatë kësaj periudhe, pasi deri më tani kishte barazuar shumicën e ndeshjeve dhe kishte fituar ndaj Pogradecit.