Thierry Henry është zv/trajneri i ri i Belgjikës! Francezi ka marrë “bekimin” e Federatës Belge të Futbollit, ndonëse nuk ka asnjë përvojë si trajner në një skuadër profesioniste.  Ish-sulmuesi i Arsenalit, 39 vjeç, do të bashkëpunojë me ish-trajnerin e Evertonit, Roberto Martinez, për të drejtuar “Djajtë e kuq”. Jo ata të Manchester Unitedit, por të Belgjikës, skuadër e cila është në kulmin e saj si asnjëherë në histori, e mbushur plot e përplot me talente. Pas tre vitesh në “Goodison Park“, Martinez mori lajmin se do të drejtojë yje si Eden Hazard dhe Kevin de Bruyne, teksa tani do të ketë si numër 2 një teknik i cili flet frëngjisht dhe do të jetë shumë pranë lojtarëve. Pas një karriere të jashtëzakonshme si lojtar – duke shënuar 360 gola në 792 ndeshje, përfshirë 228 rrjeta për Arsenalin në vetëm 376 gola – Henry nuk u largua nga futbolli, pasi u bë analist në “Sky Sports“, por tani rikthehet edhe në fusha.