Detaje të reja zbulohen nga vrasja e ndodhur dje në komisariatin numër 3 në kryeqytet, ku 25-vjeçari Ludian Zaimi, efektiv i policisë vrau kolegun e tij Caush Saliasi.
Gazetarja Klodiana Lala ka zbuluar bisedën e fundit mes autorit dhe viktimës.
“Si do e lëmë bashkë?”, i është drejtuar Ludian Zaimi kolegut të tij Caush Saliasi dhe më pas e ka qëlluar me pistoletë në komisariat.
Policia ka gjetur antidepresantë në shtëpinë e 25-vjeçari dhe mësohet se ai kishte marrë kontakte me një psikologe kohët e fundit.
Po kështu mësohet se autori i dyshuar e la makinën e ndezur para komisariatit. Në makinën e autorit u gjetën 30 fishekë nga policia.
