Hetimet e autoriteteve italiane, që çuan në ndërmarrjen e operacionit të koduar “Ura”, kanë nxjerrë në dritë një rrjet të gjerë kriminal me përfshirjen e dhjetëra shtetasve shqiptarë dhe italianë.

Në total janë lëshuar 52 masa sigurie, ndërsa janë identifikuar 14 shtetas shqiptarë për të cilët është dhënë masa “arrest me burg”, të cilët janë:

  • Ekil Nderjaku
  • Indrit Tafili
  • Gertin Aliu
  • Adi Çoba
  • Ervis Deti
  • Agron Ganaj
  • Zenit Shtraza
  • Genci Telollari
  • Redi Tusha
  • Ervis Doçi
  • Nuredin Kiptiu
  • Arsen Leskaj
  • Erigels Presi
  • Leonard Shakaj

Sipas hetimeve, grupi ishte i organizuar në mënyrë të strukturuar dhe vepronte përmes tre celulave të ndryshme, të cilat kishin shtrirje nga Amerika Latine deri në Shqipëri dhe disa vende të Evropës.

Çdo degë e këtij rrjeti kishte rol të përcaktuar, ku disa individë ishin përgjegjës për trafikimin e lëndëve narkotike, të tjerë për transferimin e parave, përfshirë edhe një administrator kompanie që dyshohet se kryente pastrim parash përmes valutave digjitale (kriptomonedha).