Një 33-vjeçar shqiptar është shpallur në kërkim nga policia helenase pasi ka rrëmbyer, përdhunuar dhe ka tentuar të djegë të gjallë ish-bashkëshorten e tij.

Autori kishte qëndruar me makinë jashtë banesës së ish-gruas në Almyri Corinthia dhe sapo 28-vjeçarja ka dalë jashtë shtëpisë, e ka marrë me forcë brenda mjetit dhe më pas është drejtuar drejt Isthmit. Gjatë rrugës ai e ka goditur me grushte në kokë dhe në trup.

33-vjeçari ndaloi makinën në një rrugë të shkretë, ku e detyroi ish gruan të zhvishej teksa e kërcënonte me jetën dhe për pak e dogji të gjallë, duke i vënë flakën flokëve të saj me çakmakun e tij!

Të zhveshur dhe të pambrojtur, ai e çoi në shtëpinë e prindërve të tij në Korint, ku e përdhunoi dhe më pas e përzuri! 28-vjeçarja e tmerruar ka shkuar ta denoncojë në polici, por shqiptari është zhdukur.