“S’ka shtretër, qytetari 10 ditë në pritje për të operuar babain”

Deputetja e Partisë Demokratike Albana Vokshi ka denoncuar në Facebook mungesën e shtretërve në QSUT.

Vokshi shkruan në postimin e saj se një qytetar ka 10 ditë që pret në QSUT për të operuar babain për shkak të mungesës së shtretërve.

STATUSI I VOKSHIT

Shëndetësia falas!

Prej 10 ditësh pret një qytetar në pavionin e urologjisë në QSUT për të operuar babain. Ndërkohë që gjendja e të atit përkeqësohet vazhdimisht, stafi i QSUT e lë duke pritur me arsyen banale se nuk ka shtretër, apo me urdhër nga “lart” për pezullimin e të gjitha operacioneve. Pamjet që vijnë, tregojnë për rradhë të mëdha qytetarësh, që presin me orë e ditë të tëra për t’u operuar.

Shëndetësia “e rilindur” e Edi Ramës dhe Ogerta Manastirliut po iu kushton çdo ditë shqiptarëve shëndetin dhe jetën e tyre. Prandaj, me 16 Shkurt qytetarët duhet të ngrihen për t’i dhënë fund eksperimenteve të kësaj qeverie me shëndetin e tyre dhe të afërmve.