![](https://durreslajm.al/app/uploads/2023/08/durres-lajm.gif)
![](https://durreslajm.al/app/uploads/2022/03/Banner_Durres_AdriaFerries.gif)
Obama-Romney, gati prova e zjarrit
![](https://durreslajm.al/app/uploads/2012/09/obama-romney-debate.jpg)
Debatet mes kandidatëve presidencialë të emëruar prej partive politike kryesore janë bërë një ngjarje e përhershme para-zgjedhore në Shtetet e Bashkuara. Deri tani, secili kandidat për president ka siguruar shumë përkrahës. Por ka ende njerëz të pavendosur që duhen bindur, vota e të cilëve mund të vendosë zgjedhjet.
Debatet mes kandidatëve presidencialë (zakonisht zhvillohen tre të tilla dhe nga një për pretendentët për nënpresident) shërbejnë si “fazë finale”, në garën për Shtëpinë e Bardhë. Gjatë pjesës më të madhe të fushatës, kandidatët paraqesin qëndrimet e tyre në mesazhe të shkurtra, të përshtatshme për transmetim në televizion. Por, shumë votues, para se të hedhin votën e tyre, duan që konkurrentët për Shtëpinë e Bardhë të japin më shumë detaje rreth çështjeve kryesore.
Debatet kanë si qëllim t’u ofrojnë kandidatëve mundësi më të mëdha për të shpalosur pikat kryesore të programit apo qëndrimin e tyre për çështje specifike të ndjeshme për opinionin publik. Edhe pse këto përballje të kandidatëve quhen debate, mënyra se si organizohen i ngjan më tepër një interviste, ku pyetjet u drejtohen kandidatëve nga një moderator i caktuar.
Prania e një drejtuesi është menduar si një mënyrë për të kontrolluar debatin. Dy debatet me intervistues janë të ndarë në çështje të politikës së brendshme dhe të jashtme. I treti organizohet si një debat në sallë, ku qytetarët mund t’u drejtojnë vëtë pyetje kandidatëve. Debatet televizive kanë qenë pjesë e të gjitha zgjedhjeve presidenciale që nga viti 1976, por ato u zhvilluan edhe në vitin 1960, kur u përballën senatori demokrat Xhon Kenedi dhe zv/Presidenti republikan, Richard Nixon.
Na bëni like ne facebook:
Na ndiqni ne rrjetet tona sociale:
Të ngjashme
Të fundit
![NATO do të dërgojë emisar të përhershëm special në Ukrainë](https://durreslajm.al/app/uploads/2024/07/nato-1024x582-1.jpg)
NATO do të dërgojë emisar të përhershëm special në Ukrainë
![Censi, grupmosha 15-19-vjeçare u përgjysmua në një dekadë, shtohen 90-vjeçarët](https://durreslajm.al/app/uploads/2024/07/te-rinj-e1680639007825.jpg)
Censi, grupmosha 15-19-vjeçare u përgjysmua në një dekadë, shtohen 90-vjeçarët
![Piu fotoksinë para godinës së SPAK, ndërron jetë në spital 63-vjeçari nga Lezha](https://durreslajm.al/app/uploads/2024/07/pal-trashaj1.jpg)
Piu fotoksinë para godinës së SPAK, ndërron jetë në spital 63-vjeçari nga Lezha
![“35 mijë euro në javë për të dashurat dhe berberin”, Cristiano Ronaldo ankohet për shpenzimet e djalit të tij](https://durreslajm.al/app/uploads/2024/07/cc_sd-1.webp)
“35 mijë euro në javë për të dashurat dhe berberin”, Cristiano Ronaldo ankohet për shpenzimet e djalit të tij
![Nju Jork, shtyhet deri të paktën në shtator dhënia e dënimit për ish-presidentin Trump](https://durreslajm.al/app/uploads/2024/07/01000000-0aff-0242-703e-08dc802eac73_w1597_n_r1_st_s_sd.webp)