Dy vëllezër kanë hipur në tarracën e pallatit dhe kërcënojnë se do të vetëvriten në lagjen nr. 11 të qytetit të Durrësit.
Shkak është bërë kthimi i banesave të tyre tek ish-pronarët.
Përmbarimi i ka kërkuar dy familjeve që të dalin nga banesat dhe t’ua kthejnë ato ish-pronarëve.
Por këta banorë pretendojnë që dokumentacioni është fals dhe nxjerrja e tyre është e paligjshme.
Për këto arsye, dy vëllezërit Bejko kanë deklaruar se nëse do t’i nxjerrin jashtë shtëpisë do të vetëvriten duke u hedhur nga pallati.
Të dy ata ndodhen në tarracë siç duket edhe nga fotot, ndërsa në vendin e ngjarjes kanë shkuar edhe forcat e policisë.
