“Besojmë tek socialistët durrsakë, por nuk heshtim para Rilindjes së Krimit në Durrës”

Pas shpërthimit me eksploziv të zyrës elektorale të LSI në lagjen nr.18, ka reaguar në Facebook dega vendore e kësaj partie.

Ashtu si kryetari Lefter Koka që akuzoi “zagarët e Rilindjes” për shpërthimin mbrëmjen e së enjtes, edhe në reagimin e LSI Durrës theksohet “Ne kishim dhe kemi shumë arsye të besojmë se tritoli gjendet në duart e Rilindasve , por serish kërkojmë drejtësi. Ne besojmë tek socialistët durrsakë të ndershëm, por nuk mund të heshtim para Rilindjes së Krimit në Durrës”.

Reagimi i plotë i LSI Durrës

Rilindasit ende nuk kanë gjetur kush i vuri tritolin Bashkim Tahirit, babait të Sajes, jo më të gjejnë kush vuri tritolin në zyrën e LSI, Lagjen 18, Durrës, ku vetëm 5 metra më tutje prej 2 ditëve po ruhen kutitë e fletëve të votimit në shkollën e Fizkulturës “Benardina Qeraxhi”
Ne kishim dhe kemi shumë arsye të besojmë se tritoli gjendet në duart e Rilindasve , por serish kërkojmë drejtësi
Ne besojmë tek socialistët durrsakë të ndershëm, por nuk mund të heshtim para Rilindjes së Krimit në Durrës