Në ambjentet e Klubit të Artit dhe Kulturës “Sigal” është promovuar libri dedikuar artistit të merituar durrsak, Enver Marës.
Autori Ermir Dizdari ka zgjedhur ta titullojë “Enver Mara, jeta dhe veprimtaria” krijimin e tij më të fundit në nder të një figure i cili ka dhënë mjaft kontribute në fushën e muzikës.
Në këtë libër, një vend të rëndësishëm zë edhe jeta muzikore e qytetit të Durrësit, e cila pasqyrohet nëpërmjet fotove të shumta.
Afërdita Mara, e bija e muzikantit të shquar durrsak, shpreh emocionet e krijuara nga ky libër dedikuar babait të saj.
Në promovimin e librit morën pjesë shumë artdashës të qytetit, bashkëkohës të kompozitorit , të cilët vlerësuan lart figurën e shquar e sigurisht edhe iniciativën e dirigjentit Dizdari.
K.H.
