Një darkë mes miqsh e ish-futbollistit dhe sot biznesmenit të suksesshëm shqiptar, Fatmir Hysenbelliu, me aktoren dhe njëkohësisht modelen e njohur amerikane Pamela Anderson ka qenë një nga lajmet më të përhapura në mediat mbarëshqiptare. Hysenbelliu dhe Anderson kanë qenë në një darkë të përbashkët dhe ishte vetë ylli i showbiz-it ajo që postoi në Instagramin e saj një foto nga kjo darkë përkrah ish-futbollistit shqiptar.
Për më tepër, Hysenbelliu u bë shumë shpejt ndër personat e paktë që Anderson ndjek në rrjetet sociale që pas këtij takimi. Sigurisht që kjo foto është shpërndarë me shpejtësi dhe ka bërë mjaft jehonë në mediat mbarëshqiptare.
Gjithçka është pasqyruar nga dhjetëra portale në Shqipëri, Kosovë, Maqedoni e jo vetëm duke u kthyer në një nga ngjarjet e ditës.
