Sulmuesi i Teutës, Xhonatan është shumë i lumtur për fitoren që arriti skuadra e tij në një transfertë të vështirë dhe thotë se do të bëjnë gjithçka për të arritur një vend në Europë.
“Bëmë një ndeshje shumë të mirë dhe ishte një ndeshje shumë e rëndësishme për objektivin final. Ne duam të shkojmë në Europë dhe do të japim maksimumin në të gjitha ndeshjet që do të luajmë. Goli im i shpejtë i hapi rrugën kësaj fitoreje, por nuk ishte aspak e lehtë. Në fund vuajtëm për shkak të presionit të kundërshtarit, që mund të na barazonte.Ndihem shumë mirë që morëm 3 pikë të arta edhe duke luajtur futboll të bukur”, tha Xhonatan.
Ai vlerësoi të gjithë skuadrën që po e ndihmon të përshtatet mjaft mirë te Teuta dhe tha se grupi i durrsakëve është i karikuar për të marrë maksimumin nga çdo ndeshje.
