Ka qenë një skandal për shumëkënd Nata e parë e festivalit të këngës në RTVSH. Jo për fjalët banale, me shumë për konceptin vulgar që do linte me gojë hapur dhe Portokallinë. Fjalët "me rob shpie", "superpjeshkë" kanë tronditur jo vetëm shikuesit por dhe komentuesit në rrjet. Pjesa që arriti kulmin qe dialogu mes aktorit që luante "serailin" dhe prezantuesit Pandi Laço. Shikojeni…
“Seriali” futet në skenë dhe Pandi Laço i thotë që, nuk je i mirëpritur, pasi këtu duhet të ketë etikë. Ndërkaq, Seriali ngulmon të këndojë, pasi do që të shkojë në Eurosong.
Pandi Laço: Nuk mund të këndosh në këtë skenë, se këtu zgjidhet këngëtari që shkon në Eurosong.
“Seriali”: Pse të mos shkoj unë përderisa ka shkruar Konçita?! Edhe ajo Naçu si ne është. Me rob shpie, do shkoj unë.
Pandi Laço: Këtë fjalë, për të respektuar këtë publik dhe ata që na ndjekin, nuk duhet ta përdorësh.
“Seriali”: Nuk e them më, me rob shpie.
(Ai këndon “këngën” e tij)
Pandi Laço: Unë nuk e di se çfarë do të bësh ti në këtë skenë, por po të them një gjë.
“Seriali”: Urdhëro.
Pandi Laço: Me rob shpie do të të kap me shkelma. Ik tashti.
“Seriali”: Hajde, hajde Kozeta ime. Të du fort, me rob shpie.(Ikën)