6 dhjetor 2015 – Teuta – Farka Volej, 3-2 (25-19, 18-25, 12-25, 25-21, 16-14)
Humbja e parë sezonale për Farkën, që pas më shumë se 2 orësh lojë dhe një ndeshje dramatike, emocionuese dhe me shumë rivalitet u mund 3-2 nga Teuta në Durrës. Një ndeshje e vendosur në pikët shtesë të setit final, ku secila nga skuadrat mund të kishte dalë fituese. Edhe pse Teuta fitoi setin e parë erdhi përmbysja e Farkës, që nuk arrin më pas të fitojë. Teuta barazon shifrat në setin e katërt dhe fiton 16-14 në setin final, duke korrur suksesin e tretë sezonal.
Renditja: Tirana 12 pikë (4/1), Vllaznia 11 pikë (4/2), Farka Volej 10 pikë (3/1), Teuta 9 pikë (3/2), Studenti 6 pikë (2/2), Skënderbeu 3 pikë (1/4) dhe Elbasani 0 pikë (0/5). *Shënim: Farka Volej e Studenti kanë një ndeshje më pak.
/portal DurresLajm/
