San Francisco 49ers dhe Baltimore Ravens do të luajnë më 3 shkurt në New Orleans finalen e madhe të Super Bowl në futbollin amerikan (NFL).
Ky duel do të ketë të veçantë faktin se trajnerët e këtyre dy skuadrave janë vëllezër. John Harbaugh drejton Ravens, ndërsa Jim Harbaugh është në krye të 49ers.
“Nuk e di nëse e kemi ëndërruar ndonjëherë këtë gjë. E di që kemi ndarë shumë ëndrra, debate dhe sherre, ashtu siç bëjnë të gjithë vëllezërit, por ëndrrat tona nuk kasnë shkuar kaq larg”, theksoi John Harbaugh.
49ers u klasifikuan për herë të gjashtë në finalen e Super Bowl pasi mundën Atlanta Falcons 24-28.
Nga ana e tyre, Ravens fituan 13-28 ndaj New England Patriots falë punës së shkëlqyer të “quarterback”-ut Joe Flacco.
