23 qershor 2015 –Numërimi në Bashkinë e madhe të Durrësit po vijon, por duke u nisur nga diferenca e thellë prej mbi 10 mijë votash në avantazh për Vangjush Dakon, deputeti socialist Namik Dokle, uron mikun e tij, për fitoren që do të bëhet publike me përmbylljen e numërimit.
Përmes një statusi në “Facebook”, Dokle tregon që është tepër i kënaqur nga fitorja e një prej miqve të tij më të mirë, duke treguar se Dako ua fitoi zemrën dhe mendjen durrsakëve me punë, e jo me fjalë.
Statusi i plotë i Namik Dokles:
“Fitorja e Vangjush Dakos…
Më dha kënaqësi të veçantë, jo vetëm pse është një nga miqtë e mi më të mirë, por edhe për disa arsye të tjera:
– Nga të gjitha bashkitë e mëdha, vetëm Durrësit iu bashkuan komuna me mijëra vota negative.
– Ishte kandidati nga më të sulmuarit nga Berishe-propi.
-Ua fitoi zemrën dhe mendjen durrsakëve jo me fjalë, por me punën për ta bërë Durrësin qytet modern europian.
-Paraqiti para qytetarëve një projekt ambicioz dhe konkret, jo vetëm për katër vjet, por edhe për "Durrës-2030"
– I tregoi ndonjë “analisti” se njerëzit duan njeriun e përkushtuar dhe vizionar, dhe jo “mjegullën në pantallona” që hedhin ata…
Bravo dhe suksese, miku im!”
/S.L. agjencia e lajmeve “Dyrrah”/
