Teuta ka luajtur si pjesë të përgatitjeve të saj për Superkupën e Shqipërisë dhe sezonin e ri një miqësore ndaj ekipit U21, për të parë situatën në skuadër në momentin aktual, sidomos pas lëvizjeve të shumta që janë bërë me largimet e javëve të fundit.
Kështu, trajneri Martini ka parë thuajse të gjithë alternativat që ka në dispozicion me objektiv Superkupën e Shqipërisë, pasi fituesit bnë fuqi të atij trofeu në edicionin e kaluar, duan të përsëritin veten edhe në këtë sezon.
Sfida është mbyllur me shifrat 6-2 për ekipin e parë të Teutës, me Kallakun protagonist me katër gola (35′, 43′, 57′, 64′), ndërsa të tjerët u shënuan nga Gorgiev (55′) dhe Todorovski (70). Në këtë sfidë kishte minuta edhe për Valport, i cili është një nga shpresat e sulmit të durrsakëve për sezonin e ri, ku duan të jenë përsëri protagonistë në luftën për Europën dhe trofe.
Formacioni i Teutës: Qirko, Jazxhi, Selmani, Xhekson (46′ Kotobelli), Idrizaj (46′ Todorovksi), Aleksi (46′  Karabeci), Daja (46′ Beqja), Gruda (60′ Plaku), Kallaku, Zogaj (60′ Valport), Gorgiev (60′ Kapllani).