Teuta ka zbritur ditën e djeshme në fushë për të vijuar me përgatitjet anti-Dinamo. Pas barazimit me Vllazninë, stafi teknik dhe futbollistët kanë kryer seancën stërvitore për ndeshjen e javës së 11-të të Superiores ndaj ekipit të Dinamos që do të zhvillohet në “Elbasan Arena”, ditën e nesërme në orën 16:45.
Edhe pse koha për t’u përgatitur për ndeshjen e radhës nuk ka qenë e madhe, atmosfera te durrsakët është e kënaqshme dhe kundër bluve synohen tri pikët për të qenë afër kreut.
Mungesë e sigurt për ndeshjen e radhës është mesfushori Asion Daja, i cili ka plotësuar numrin e kartonëve të verdhë dhe nuk do të jetë i gatshëm për Renato Arapin në këtë takim.
