Këshilli Bashkiak Durrës do të mblidhet jashtë radhe mëngjesin e së enjtes, në orën 09.00.
Mbledhja që do të zhvillohet me mjete të komunikimit elektronik ka të parashikuar deri më tani vetëm një pikë në rendin e ditës: Miratimin e ndryshimit të emërtimit të rrugës “Erih Maria Remark” në rruga “Benedik Brahja”.
Emri i shkrimtarit të njohur gjerman Remark do të hiqet nga një rrugë e Durrësit, të cilës do t’i vendoset emri i një polici të rënë në krye të detyrës.
Kush është Benedik Brahja?
I ndjeri Benedik Brahja, lindur në Draç, Durrës, më 1965, ishte efektiv i Policisë së Shtetit, që ka rënë në krye të detyrës.
Ngjarja e ndodhur në vitin 1996, i mori jetën efektivit Brahja.
Ai është shpallur “Dëshmor i Atdheut”.
