WeWoman organizon të mërkurën aktivitetin “Trashëgimia e Durrësit, këmbëngulje dhe motivim”

Pasditen e së mërkurës, në ambientet e MuZEH lab në Durrës do të organizohet aktiviteti “Trashëgimia e Durrësit, këmbëngulje dhe motivim”.

Aktiviteti që organizohet nga WeWomen ka për qëllim të rrjetëzojë dhe promovojë vajza dhe gra që punojnë çdo ditë për të ruajtur, promovuar vlerat dhe asetet kulturore të qytetit të Durrësit.

Ai do të nisë në orën 18.00 dhe të ftuara janë eksperte në fushat e turizmit muzeologjisë, trashëgimisë dhe artizanaleve.

Njoftimi i WeWomen Albania:

WeWomen në bashkëpunim me MuZEH lab do të zhvillojë aktivitetin e parë të vitit 2022, në datën 26 Janar, në MuZEH Lab, Durrës, aktivitetin e “Durrës Heritage Perseverance and Motivation” pjesë e rubrikës “WeWomen&Heritage”.

Aktiviteti ka për qëllim të rrjetëzojë dhe promovojë vajza dhe gra që punojnë çdo ditë për të ruajtur, promovuar vlerat dhe asetet kulturore të qytetit të Durrësit.

Vajzat dhe gratë e ftuara, përfaqësuese të/për qytetin e Durrësit, eksperte në fushat e turizmit muzeologjisë, trashëgimisë dhe artizanaleve do të na informojnë dhe frymëzojnë me historitë profesionale, vështirësitë si edhe kalimin e pengesave në jetën e tyre të përditshme.