Kryetari i Partisë Demokratike, Lulzim Basha ka sjellë në vëmendje një raport të Eurostat që e rendit Shqipërinë të 6-tën në botë për emigracionin.
Basha akuzon kryeministrin Rama se në 8 vjet me dështimet e tij, shkatërroi ekonominë dhe i detyroi të rinjtë të ikin.
“Eurostat e renditi Shqipërinë në vendin e gjashtë në botë për emigracionin masiv. Për 8 vjet me dështimet e tij, Rama e shkatërroi ekonominë dhe i detyroi të rinjtë tanë të ikin. Për shkak të dështimeve të Ramës, situata ekonomike është sot më e keqja në rajon. Ne shqiptarët jemi të suksesshëm kudo në botë – ndaj nuk ka asnjë arsye pse të mos kemi sukses këtu në vendin tonë! Ka ardhur koha për ndryshim. Ka ardhur koha të largojmë Ramën dhe të sjellim shpresë dhe zhvillim për vendin tonë!”, shkruan Basha në Facebook.
