Durim Muslija, 40 vjeç nga Durrësi është gjetur mëngjesin e sotëm i plagosur në Kretë, Greqi.
Muslija është me precedentë të shumtë penalë në Greqi për drogë.
Sipas burimeve zyrtare të policisë greke, në orën 02.10 është marrë njoftim për një person të plagosur me armë në pyllin e Kerit në Irakleo të Kretës.
Punonjësit e policisë kanë shkuar në vendngjarje dhe kanë konstatuar shtetasin Durim Muslija pranë automjetit me targa IZZ-3138 në pronësi te shtetasit grek G. K, i cili kishte një plagë depërtuese nga arma e zjarrit në lartësinë e pulpës së majtë.
Në kuadër të hetimeve paraprake, ka rezultuar se rreth orës 01:20 dhe teksa Muslija është kthyer me mjetin e mësipërm në banesën e tij, në momentin që ka zbritur, një person i panjohur, pasi ka mbuluar tiparet, me përdorimin e dhunës dhe kërcënimin me pistoletë, e ka detyruar të hipë në mjetin në fjalë dhe e ka çuar drejt pyllit të Kerit.
