Vijon operacioni policor i koduar “Koordinata”, kundër kultivimit të bimëve narkotike.

Si pasojë janë goditur 2 raste të kultivimit të bimëve narkotike, në fshatin Zhej ku  janë  asgjësuar  221 bimë narkotike.

Blutë kanë sekuestruar 30 fara të kësaj bime.

Më tej kanë përfunduar në pranga edhe 2 shtetas dhe shpallet në kërkim 1 tjetër si autorë të dyshuar të kultivimit të bimëve narkotike.

Njoftim i Policisë:

Gjatë kontrolleve në territor, në vijim të operacionit policor “Koordinata”, me qëllim parandalimin, evidentimin dhe goditjen e rasteve të kultivimit të bimëve narkotike, shërbimet e Komisariatit të Policisë Kurbin, goditën 2 raste të kultivimit të bimëve narkotike në fshatin Zhej, njësia administrative Mamurras. Për këto raste:

– u arrestua shtetasi I. S., 45 vjeç, i cili u kap në flagrancë duke u kujdesur për 25 bimë narkotike që kishte kultivuar në oborrin e banesës;

-u shpall në kërkim shtetasi P. P., 64 vjeç dhe u vu në pranga bashkëshortja e tij, shtetasja A. P., 56 vjeçe, pasi dyshohet se kanë kultivuar 196 bimë narkotike në oborrin e banesës së tyre. Gjatë kontrollit në banesën e tyre, shërbimet e Policisë gjetën dhe sekuestruan 108 fara të bimës narkotike Cannabis Sativa.

Operacioni antikanabis i koduar “Koordinata” vijon në të gjithë territorin.