Në prag të përballjes së rëndësishme të së shtunës, sulmuesi i Teutës, Klejdi Daci, ka folur mbi formën e skuadrës, objektivat dhe sfidën ndaj Elbasanit.
Klejdi, si e vlerësoni momentin që po kalon Teuta?
Momenti është pozitiv. Kemi punuar shumë gjatë javëve të fundit dhe besoj se skuadra po rritet nga ndeshja në ndeshje. Kemi më shumë besim dhe kjo po reflektohet edhe në fushë.
Ndeshja e radhës është ndaj Elbasanit. Çfarë prisni nga ky duel?
Do të jetë një ndeshje e vështirë, si çdo përballje në kampionat. Elbasani është një kundërshtar që lufton shumë dhe nuk të fal hapësira. Megjithatë, ne do të futemi në fushë vetëm për fitore.
Sa i përgatitur ndihet grupi për këtë sfidë?
Jemi përgatitur maksimalisht, si në aspektin fizik ashtu edhe taktik. Trajneri na ka dhënë udhëzimet e duhura dhe mendoj se jemi gati për të dhënë më të mirën.
Nga ana personale, si e vlerësoni formën tuaj?
Po mundohem të jap maksimumin në çdo ndeshje. Sulmuesi gjykohet për golat dhe shpresoj të kontribuoj edhe këtë fundjavë për ekipin.
Çfarë do t’i premtonit tifozëve të Teutës?
Që do të japim gjithçka në fushë. Mbështetja e tyre është shumë e rëndësishme për ne dhe shpresojmë t’i gëzojmë me një rezultat pozitiv.
