Një 41-vjeçar shqiptar, banor i zonës së Marcës në Itali, i njohur tashmë për forcat e rendit, u arrestua në flagrancë.
Ai kishte hashash dhe mbi dy kilogramë marijuanë gati për shitje në shtëpinë e tij në Treviso. U sekuestrua edhe një pistoletë Smith & Wesson, 44 Magnum, e paregjistruar, me një sasi fishekësh.
Karabinierët e stacionit të Codognè konfirmuan aksionin dhe ndalimin e kontingjentit shqiptar.
Operacioni filloi pasditen e së enjtes, më 30 prill, pasi karabinierët zbuluan se 41-vjeçari mbante armë të paligjshme në shtëpi.
Përveç armës e municionit, 41-vjeçari po fshihte gjithashtu pothuajse tre kilogramë drogë: 2.679 kg marihuanë dhe afërsisht 124 gramë hashash.
Karabinierët gjetën drogën tashmë të ndarë në pako gati për shitje. I gjithë materiali, nga arma te droga, u sekuestrua dhe tani do të përdoret për analiza teknike dhe balistike.
Pas një nate në qelinë e ndalimit të stacionit të karabinierëve, 41-vjeçari u gjykua me gjykim të përshpejtuar, duke marrë një urdhër gjykate që konfirmonte arrestimin e tij me akuzat për posedim me qëllim shpërndarjen e narkotikëve dhe posedim të një arme pa leje. Ai u vu në arrest shtëpiak.
