Autoritetet greke kanë intensifikuar luftën kundër lojërave të paligjshme të fatit, duke ngritur padi ndaj 18 influencerëve të akuzuar për reklamimin e ofruesve të paautorizuar të basteve online.
Sipas Komisionit të Mbikëqyrjes dhe Kontrollit të Lojërave të Fatit, gjatë vitit 2025 rreth 900 mijë qytetarë grekë kanë marrë pjesë në lojëra të paligjshme të fatit, duke i shkaktuar shtetit një humbje të vlerësuar prej 400 milionë eurosh në të ardhura.
Në kuadër të masave të reja, Ministria e Financave ka përgatitur një projektligj që zgjeron kontrollet edhe mbi aplikacionet mobile dhe parashikon sanksione të ashpra për individët që promovojnë platforma të palicencuara të lojërave të fatit.
Projektligji parashikon gjithashtu ndalimin e institucioneve të kreditit për të kryer pagesa drejt operatorëve të palicencuar, duke synuar ndërprerjen e rrjedhës financiare të tregut ilegal.
Ndërkohë, legjislacioni i ri përfshin edhe dënime me burg për rastet kur përdoren persona të përfaqësuar ose të tretë për të marrë pjesë në lojërat e fatit, si pjesë e përpjekjeve për të rritur transparencën dhe për të luftuar aktivitetin e paligjshëm në këtë sektor.
