Një aksident është regjistruar pak më parë në Durrës, në zonën e njohur si “Pranvera”.

Një automjet ka përplasur një grua, e cila po kalonte vijat e bardha bashkë me dy fëmijët e saj, të cilët i mbante në krahë.

Të aksidentuarat janë shoqëruar me ambulancë drejt Urgjencës së Spitalit të Durrësit, ku kanë marrë ndihmën e parë mjekësore.

Sipas burimeve nga Policia e Durrësit, ato nuk kanë pësuar dëmtime të rënda.

Policia po vijon hetimet për zbardhjen e plotë të rrethanave të aksidentit.