Përmes një postimi në Facebook, Presidenti Ilir Meta njofton se sot ka zhvilluar një bashkëbisedim me ambasadorin e Italisë, Fabrizio Bucci.
Meta shkruan se gjatë bashkëbisedimit ka vlerësuar se Italia mbetet një partner i pazëvendësueshëm strategjik i Shqipërisë.
POSTIMI I METËS
Kënaqësi të zhvilloja një bashkëbisedim të frytshëm me Ambasadorin e Italisë, Fabrizio Bucci.
Vlerësova se Italia mbetet një partner i pazëvendësueshëm strategjik i Shqipërisë dhe se të dy vendet tona kanë potencial të jashtëzakonshëm për të forcuar më tej marrëdhëniet e shkëlqyera tradicionale në të gjitha fushat.
Ndamë bindjen për thellimin e një bashkëpunimi të domosdoshëm për të përballuar me sukses edhe fazën e vështirë post-COVID.
E falenderova përsëri për mbështetjen e madhe financiare që Italia dha për rindërtimin pas tërmetit të 26 nëntorit.
Andrà tutto bene!
