Policia britanike po kryen kontrolle intensive pasi u gjetën dy valixhe me mbetje njerëzore në urën e varur Clifton në Bristol në Anglia jugperëndimore. Policia tha se mori informacion për një burrë që mbante një valixhe dhe sillej në mënyrë të dyshimtë në urë pak para mesnatës së të mërkurës, por kur oficerët mbërritën në vendngjarje, ai tashmë ishte larguar, duke e lënë valixhen pas. Një valixhe e dytë u gjet pak më larg.
Në një deklaratë sot, Policia e Avon dhe Somerset thanë se dy valixhet besohej se përmbanin mbetje njerëzore.
“Kjo është një ngjarje shumë e pafat dhe unë e kuptoj plotësisht shqetësimin që do të shkaktojë në komunitetet tona,” tha shefi i policisë së Bristol, Viks Hayëard-Mellen.
“Prioriteti ynë është të gjejmë njeriun që ka çuar valixhet në urë, të identifikojmë të ndjerin dhe të informojmë të afërmit e tij”, shtoi ai.
Autoritetet morën një deklaratë nga një shofer taksie, i cili e çoi burrin në urë dhe sekuestroi automjetin e tij. Ura, mbi grykën e Avonit, lidh dy brigjet e lumit me të njëjtin emër. Ajo do të qëndrojë e mbyllur deri në përfundimin e hetimeve të policisë në zonë. Është një nga atraksionet më të njohura të Bristolit dhe është ndërtuar në vitin 1864 bazuar në një dizajn nga inxhinieri i famshëm i shekullit të 19-të Isabard Kingdom Brunel.
