Stiven Shpendi po shijon aventurën në sallonet e mëdha të futbollit italian, ndërsa binjaku i tij po impresionon në Serie B te Cesena.
Stiven ishte titullar te Empoli në fitoren 1-0 kundër Salernitana-s, ndërsa shënoi edhe një gol që iu anulua për pozicion jashtë loje.
Por ndryshe nga Stiven, binjaku i tij, Kristiani ndihmoi Cesena-n të fitonte me shifrat 3-1 kundër SPAL me një dopietë.
20-vjeçari tundi rrjetën në minutën e dytë, dhe në të 35-n dyfishoi shifrat duke e vendosur fitoren në kasafortë. Corazza ishte autori i golit të tretë.
Me këtë dopietë, 20-vjeçari që është pjesë e kombëtares Shpresa, u ngjit në kuotën e 4 golave në Serie B.
Ndërkohë Cesena mban vendin e dytë në kampionat me 12 pikë në 5 ndeshje, 3 më pak se Torres në krye.
Dëshira e Kristiani Shpendit është të ngjitet në Serier A me ekipin e tij dhe më pas të kaloj në një skuadër të madhe.
Ëndrra më e madhe e binjakëve është që një ditë të luajnë të dy sëbashku te Interi.
