Miq të mirë konsiderohen gjithnjë ata persona me një eksperiencë të gjatë jetësore, të cilët me këshillat e tyre të japin disa leksione jete shumë të vlefshme. Kështu i konsideron edhe deputeti i Durrësit Jurgis Çyrbja këta tre zotërinj me të cilët ka nisur ditën sot në mëngjes në Sallmone të Shijakut.
![](https://durreslajm.al/app/uploads/2024/05/441959041_841701214663919_6920272061572257114_n-1024x683.jpg)
Takimet në këtë zonë të Shijakut nuk janë mjaftuar thjesht duke konsumuar kafenë e mëngjesit, por kanë vijuar edhe më tej me njerëzit e punës, për të cilët Çyrbja shprehet se shërbejnë si model motivimi për brezat e rinj!
“Kujtimi është motoristi më i vjetër në Shijak, por gjithmonë e më shumë rinor. Ndaj dhe bisedat me të përveç se janë të mençura, janë dhe të hareshme!”, shkruan deputeti.
![](https://durreslajm.al/app/uploads/2024/05/441307807_841834684650572_5135848823856244797_n.jpg)
Ndërsa vijon me Danen në dyqanin e tij të hidrosanitareve në Sallmone. “Njerëzit e punës janë modeli i njerëzve që duhen duartrokitur dhe suportuar sepse janë aq shumë të dobishëm për komunitetin tonë!“.
![](https://durreslajm.al/app/uploads/2024/05/danja.jpg)
Edhe një ditë më parë teksa ndodhej në Hamallaj në fermën e Ervinit i cili kujdeset për dhjetëra dele dhe qingja, deputeti theksoi se një duatrokitje e madhe shkon për të gjithë këta njerëz punëtorë që përveçse mbajnë gjallë zanatet dhe traditat e trashëguara ndër breza, po ruajnë me fanatizëm dhe cilësinë e produkteve dhe nënprodukteve bujqësore dhe blegtorale në zonë!
![](https://durreslajm.al/app/uploads/2024/05/441373591_841359051364802_6716879724288783743_n-1-1024x682.jpg)
![](https://durreslajm.al/app/uploads/2024/05/441387808_841359171364790_4672810475382442472_n-1024x682.jpg)
![](https://durreslajm.al/app/uploads/2024/05/441290417_841359204698120_321655592470201692_n-1024x682.jpg)
Deputeti Jurgis Çyrbja gjithashtu ka qenë i pranishëm këtë të mërkurë edhe në Komisionin e Ligjeve, në një seancë dëgjimore për Raportin Vjetor të veprimtarisë së Komisionerit për Mbrojtjen nga Diskriminimi dhe për Mbikëqyrjen e Shërbimit Civil gjatë vitit 2023, dhe ka shpërndarë disa momente në rrjetin e tij social “Facebook”.