Shpejtësia tej normave të lejuara edhe në rrugët në qendër të qytetit është një fenomen që shumë nga ne e ndeshin çdo ditë.
Rreth orës 10.00 të paradites së sotme, një automjet mori përpara disa nga bordurat metalike të vendosura përgjatë sheshit “Liria” në Durrës, përballë me prefekturën.
Siç shihet nga pamjet filmike të marra nga operatori Sokrat Toçi, 4 nga këto bordura janë dëmtuar tërësisht, ndërkohë që automjeti që shkaktoi aksidentin u largua menjëherë nga vendngjarja.
Përplasja mund të kishte shkaktuar një incident më të rëndë, nëse pranë tyre do ishte duke kaluar ndonjë qytetar.
Pavarësisht se shpejtësia maksimale e lejuar në qendër të qytetit është 20 km në orë, shumë drejtues mjetesh, sidomos të rinj nuk e respektojnë atë dhe bëhen protagonistë aksidentesh si ky i sotmi.
Vetëm pak minuta më vonë, punonjësit e ndërmarrjes “Rruga” ndërhynë për riparimin e bordurave.