Në një postim të tij në rrjetet sociale kryetari i bashkisë së Shijakut, Arbana ka thënë projektet që do të zbatohen për një pjesë të madhe të fshatrave të Shijakut për zhvillimin e tyre të mëtejshëm.
Postimi i plotë:
Për disa fshatra të Shijakut me potencial turistik dhe potencial për zhvillimin e agroturizmit, bashkia e Shijakut me mbështetjen e Kryeministrit Rama do të përmirësojë infrastrukturën e tyre publike duke përfshirë infrastrukturën rrugore, rivitalizimin e hapësirave rurale për të nxjerrë në pah bukuritë natyrore të këtyre fshatrave.
Në këtë zhvillim strategjik përfshihen fshatrat Metallaj, Bodinok, Shahinaj, Gjepalaj, Likesh, Kënetë, Eminas i vogël, Çizmeli, Shetel dhe Karreç që janë dhe pjesë e premtimeve lidhur me vizionin tonë për zhvillimin rural.
Gjithashtu, kemi mbështetjen e Qeverisë për asfaltimin e disa rrugëve rurale sipas problematikave të paraqitura nga takimet me banorët e këtyre zonave.
Më e mira është përpara!
