Këshilli Bashkiak Durrës mbajti këtë të hënë mbledhjen e radhës ku në rend dite ishin 5 pika.
Pika tre për miratimin e shpronësimit me vlerë prej 400 703.84 (katërqindmijë e shtatëqind e tre, pikë tetëdhjetë e katër) lekë, për pronat private që preken nga investimi publik me objekt: “Rikonstruksion rruge në njësinë administrative Ishëm”, u kundërshtua nga opozita, ku sipas këshilltarit demokrat Ardian Muka, vlera e shpronësimeve është shumë e ulët.
Nënrkyetari i bashkisë Elio Jani sqaroi se vlera është e përcaktuar sipa legjislacionit shqiptar.
Të gjitha pikat në rend dite u miratuan me shumicë votash.
VENDIMET E MIRATUARA:
1.PËR MIRATIMIN E FAMILJEVE PËRFITUESE TË NDIHMËS EKONOMIKE NGA FONDI I KUSHTËZUAR PËR BLLOK-NDIHMËN EKONOMIKE DERI 6% DHE FONDI I TË ARDHURAVE TË BASHKISË DURRËS, PËR MUAJIN SHKURT 2025
2.PËR MIRATIMIN PËR DHËNIEN E AUTORIZIMIT PËR NËNSHKRIMIN E AKTMARRËVESHJES SË FINANCIMIT NDËRMJET SIPËRMARRËSIT “DULE” SHPK DHE PËRFITUESIT BASHKIA DURRËS, PËR RIKONSTRUKSIONIN E QENDRËS SHËNDETËSORE RRASHBULL, NJËSIA ADMINISTRATIVE RRASHBULL, BASHKIA DURRËS
3.PËR MIRATIMIN NË PARIM TË VLERËS FINANCIARE TË SHPRONËSIMIT PREJ 400 703.84 (KATËRQINDMIJË E SHTATËQIND E TRE, PIKË TETËDHJETË E KATËR) LEKË, PËR PASURITË PRONË PRIVATE, SIPAS TABELËS SË HARTUAR NGA GRUPI I PUNËS, I NGARKUAR PËR KRYERJEN E VLERËSIMIT PARAPRAK, DHE ËSHTË PJESË E KËTIJ VENDIMI, QË PREKEN NGA INVESTIMI PUBLIK ME OBJEKT: “RIKONSTRUKSION RRUGE NË NJËSINË ADMINISTRATIVE ISHËM”
4.PËR RIALOKIMIN E FONDEVE TË RINDËRTIMIT TË PASHPENZUARA NË VITIN 2024, QË DO TË TRASHËGOHEN NË VITIN 2025
5.PËR MIRATIMIN E NDREQJES SË GABIMIT ME KARAKTER MATERIAL NË VKB-NË NR. 116, DATË 24.12.2024 “PËR MIRATIMIN E LISTËS EMËRORE TË NXËNËSVE TË ARSIMIT PARAUNIVERSITAR, QË PLOTËSOJNË KRITERET LIGJORE PËR PËRFITIMIN E BURSAVE DHE PAGESAVE PËR VITIN SHKOLLOR 2024-2025”
