Hipën në një taksi dhe më pas e kërcënuan me thikë drejtuesin e taksisë dhe i morën një shumë parash, falë reagimit të shpejtë të Policisë, identifikohen dhe vihen në pranga autorët e dyshuar.
Ngjarja ka ndodhur në Durrës, ku policia vuri në pranga 26-vjeçarin Agron Braha dhe 29-vjeçaren Viola Bodlli, të cilët kërcënuan taksistin me një thikë dhe i morën një shumë parash.
Shërbimet e Policisë, me marrjen e njoftimit se dy shtetas kishin kërcënuar me thikë një drejtues taksie dhe i kishin marrë një shumë parash, menjëherë organizuan punën dhe falë ndërhyrjes së shpejtë dhe profesionale, bënë të mundur identifikimin, kapjen dhe arrestimin e autorëve, konkretisht shtetasit:
- *Agron Braha, 26 vjeç, banues në Durrës
- *Viola Bodlli, 29 vjeçe, banuese në Kavajë
Nga hetimet rezultoi se rreth orës 01:00, në lagjen Nr.13, në vendin e quajtur rrethrrotullimi “ILIRIA” në plazh, këta shtetas hipën në automjetin taksi me drejtues shtetasin I. K.
Në momentin që hipën në makinë, 26-vjeçari dyshohet se kërcënoi taksistin me një thikë, ndërsa e reja i mori një shumë parash që taksisti kishte në makinë (xhiron ditore) dhe u larguan nga automjeti.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
