Një automjet tip “Benz” është përmbysur mëngjesin e sotëm në hyrje të Durrësit pranë semaforit, por fatmirësisht drejtuesi i tij nuk është dëmtuar.

Nga informacionet e para që mëson “DurrësLajm” nga vendi i ngjarjes, automjeti tip “Benz” është goditur nga pas nga një tjetër mjet dhe si pasojë është kthyer përmbys. Dyshohet se shkak ka qenë shpejtësia e lartë.

Policia ka mbërritur në vendin e ngjarjes dhe po punon për zbardhjen e rrethanave.