Dy makina janë përplasur mbrëmjen e kësaj të hëne pranë mbikalimit të Shkozetit në Durrës.
Aksidenti i la të dyja makinat me dëmtime të dukshme në pjesën e përparme dhe anësore.
Sikundër duket nga foto, që një kalimtar ja ka dërguar redaksisë së “DurrësLajm”, përplasja e fortë ka bërë që një prej automjeteve të përfundojë pranë një peme, duke zhvendosur trajektoren e lëvizjes.
Burime bëjnë me dije, se policia ka mbërritur në vendngjarje, duke rregulluar trafikun, zbuluar rrethanat e ngjarjes dhe ndihmuar palët e përfshira.
Fatmirësisht nuk raportohet për të lënduar.
