Policia Rrugore e Durrësit ka ndërmarrë kontrolle intensive në të gjitha akset e qarkut, duke përdorur mjetet inteligjente, për të evidentuar dhe ndëshkuar shkelësit e Kodit Rrugor, që janë rrezik potencial për përfshirje në aksidente rrugore.
Sipas njoftimit të policisë gjatë një jave:
-Janë arrestuar 3 drejtues automjetesh dhe janë proceduar në gjendje të lirë 1 drejtues automjetesh dhe motomjetesh, për veprën penale “Drejtimi i mjeteve në mënyrë të parregullt”.
-738 drejtues mjetesh janë ndëshkuar për qarkullim me shpejtësi tej normave të lejuara;
-67 drejtues mjetesh janë ndëshkuar për parakalime të gabuara;
-112 drejtues automjetesh janë ndëshkuar për mosvendosje të rripit të sigurimit;
-31 drejtues motomjetesh janë ndëshkuar për mosvendosje të kaskës mbrojtëse;
-460 drejtues mjetesh janë ndëshkuar për pushim të mjetit në kundërshtim me sinjalistikën rrugore.
Policia e Rrugore e Durrësit apelon për të gjithë përdoruesit e rrugës, që të zbatojnë me rigorozitet rregullat e qarkullimit rrugor, të moderojnë shpejtësinë, të vendosin rripin e sigurimit, të mos përdorin celularin gjatë drejtimit të mjetit dhe të mos kryejnë parakalime të gabuara.
![](https://durreslajm.al/app/uploads/2023/09/a502d32c-7fea-43d5-a85e-f7d9b0bbfa65.jpg)