Tensionohet situata tek pallati i sportit “Ramazan Njala” ndërsa po përfundonte procesi i numërimit. Në kohën kur socialistët në shkallët e pallatit po brohorisnin për fitore, kreu i PD Durrës, Ferdinand Xhaferaj, i pranishëm aty u drejtua drejt vendit ku po qëndronte ish-kryebashkiaku Vangjush Dako.
“Vangjush je bo politikan, Vangjush Dako, Bravo Vangjush…”,- iu drejtua Xhaferaj ish-kryebashkiakut ndërsa po afrohej drejt tij.
Më pas zëri i Xhaferajt u mbulua nga brohorimat e socialistëve. Siç dëgjohet në video, Xhaferraj i ka thënë që jeni të gjithë zagarë të Dakos.
Por njëri nga të pranishmit i kundërpërgjigjet.
“Ti çfarë je, je më i mirë se ne. Çfarë zagarësh qenkemi ne?”
Pikërisht në këto momente situata u tensionua më shumë dhe pati dhe incident mes palëve.
“Maje mend, maje mend, o ti o unë”,- i hakërrehej Xhaferajt, njëri nga të pranishmit, ndërsa kreu i PD-së u tërhoq nga sekretari Luan Hoti.
