30 maj 2015 – Roja e Financës në Itali në bazë të të dhënave operative vuri nën mbikqyrje një shqiptar 38 vjecar me inicialet S.D. sapo ai mbërriti në Aeroportin Orio Al Serio të Bergamos.  Shqiptari u mbikqyr deri sa hyri në një plevicë në zonën e Trecos (Trezzo) afër Bergamos. Financierët me ndihmën e qenve antidrogë kontrolluan plevicën. Ata gjetën të groposur në tokë 11 pako me kokainë me peshë totale 11 Kg., me vlerë shitje me cmim pakice 1,5 milion euro. U sekuestruan edhe një pajisje për paketim në vakum, 1 peshore elektronike precizioni, 3 telefonë celularë,6 karta SIM, 690 euro kesh si edhe një pistoletë Beretta 92 SB me numër identifikimi të fshirë bashkë me 44 fishekë kalibër 9mm.