“Rama+Dako+Avdylajt”, “Rama + Krimi blenë votat”, janë logot që demokratët durrsakë i kanë mbivendosur autobusëve që do të nisen nga Durrësi drejt protestës që do të mbahet në Tiranë.
Partia Demokratike dhe opozita sot kanë thirrur në protestë qytetarët shqiptarë.
Tubimi është paralajmëruar të nisë në orën 11:00 përpara Kryeministrisë, duke kundërshtuar qeverinë Rama.
Nga qytete të ndryshme të Shqipërisë, qytetarë dhe mbështetës të opozitës janë nisur që prej orëve të para të mëngjesit për të mbërritur në Tiranë.
Nisja nga Durrësi bëhet në disa pika kryesore të qytetit, teksa pritet që të jenë rreth 9100 pjesëmarrës nga qyteti dhe fshatrat e këtij qarku.
Raportohet se drejt Tiranës janë nisur më shumë se 50 mijë qytetarë drejt Tiranës.
Qarku Shkodër – 8000 qytetarë
Qarku Lezhë – 6800 qytetarë
Qarku Kukës – 4000 qytetarë
Qarku Dibër – 3500 qytetarë
Qarku Durrës – 9100 qytetarë
Qarku Elbasan – 7500 qytetarë
Qarku Berat – 3000 qytetarë
Qarku Fier – 4800 qytetarë
Qarku Vlorë – 4500 qytetarë
Qarku Gjirokastër – 2000 qytetarë
Qarku Korçë – 4200 qytetarë
