Rikonstruktohet rruga në Spitallë, Sako: Të tjera punë do të bëhen në këtë lagje

Kryebashkiakja Emiriana Sako ka inspektuar aksin rrugor “Ohri” në zonën e Spitallës, e cila ka përfunduar së rikonstruktuari.

Në takime me banorët e lagjes nr.15, kryetarja Sako ka premtuar të tjera investime në këtë zonë,

“Rehabilitimi i këtij segmenti lehtëson qarkullimin dhe i shërben rreth 1300 banorëve të kësaj zone”,- shkruan Sako, në një postim në rrjete sociale.

Postimi i plotë:

Një tjetër investim i rëndësishëm në lagjen 15 të qytetit.

Duke ju përgjigjur kërkesës së qytetarëve kemi kryer rikonstruksionin e rrugës Ohri.

Në takime me banorët e kësaj zone duke bashkëbiseduar për investimet e rëndësishme që janë kryer deri tani dhe të tjera punë që do të bëhen në këtë lagje.

Rikonstruksioni i rrugës “Ohri” 800 metra të gjatë dhe 6 metra të gjerë përfshin sistemimin e kanalizimeve, shtrimin me asfalt, trotuaret dhe ndriçimin. Rehabilitimi i këtij segmenti lehtëson qarkullimin dhe i shërben rreth 1300 banorëve të kësaj zone.