Hillary Clinton ka arritur një fitore të bujshme ndaj Bernie Sanders, duke marrë 73% të votave në Karolinën e Jugut. Vota e zezakëve demokratë që e mposhti në 2008, kur kandidonte ndaj presidentit Barack Obama, ishte ajo që ia siguroi fitoren. 87% përqind e afrikano-amerikanëve votuan për ish-sekretaren e shtetit Clinton. Njihej dobësia e Sanders, që njihet pak nga votuesi zezak dhe hispanik në jug të vendit, por kjo diferencë në Karolinën e Jugut ishte shokuese. Për ish-sekretaren e shtetit, fitorja ishte veçanërisht e rëndësishme sepse i jep fushatën vrullin dhe optimizmin që duket se i kishte munguar në javët e fundit, pikërisht në kohë për datën 1 mars, kur do të votohet në 11 shtete ë ndryshme.