DURRËS, 22 TETOR 2014 –  Ajo u kritikua nga mbarë mediat për shndërrimin total që i kishte bërë fytyrës së saj. Por ndryshe nga shumë aktorë të tjerë, ajo zgjodhi të mos qëndronte në heshtje, por ti kundërpërgjigjej me të njëjtën monedhë të gjithë zërave dashakeqë. Aktorja Renee Zellweger ka pranuar publikisht se ajo nuk ka kryer ndërhyrje, por i gjithë ky ndryshim pozitiv ka ardhur për shkak se ajo ndihet më e lumtur. Të jetë vallë ky faktori kryesor për ndryshimin total të saj? Ajo shokoi opinionin publik teksa u shfaq e transformuar në tapetin e kuq në eventin e ELLE. “Jam e lumtur që njerëzit mendojnë se ngjaj ndryshe. Po jetoj një jetë ndryshe dhe më të lumtur, plot kuptim dhe kjo siç duket është shfaqur tek unë”, ka deklaruar fituesja e çmimit Oscar për revistën 'People'.