Policia e Durrësit ka reaguar zyrtarisht për shpërthimin e regjistruar mbrëmjen e sotme në shtëpinë e Armand Dukës.

Sipas policisë, shpërthimi ka shkaktuar vetëm dëme materiale.

“Më datë 24.01.2022, rreth orës 22:10, në lagjen nr. 4, Durrës, para portës së shtetasit A. D. dyshohet se ka shpërthyer një sasi lënde plasëse. Si pasojë e shpërthimit janë shkaktuar vetëm dëme materiale në portën e jashtme të banesës.”– njofton policia.

Grupi hetimor ndodhet në vendngjarje dhe po punon për sqarimin e rrethanave të ngjarjes.